------Afsana-e-Hayat-----
Afsana teri tameer ka
Chund nuqton ki tehreer ka
Kuch lamhon ki taaseer ka
Faqat khwaabon ki tabeer ka
ik arzoo….ik arzoo….
is arzu me pheli hui
nalaan si naadaan si
maanind ik muskaan si
ya shaayer ki rasaan si
bas ik kashish anjaan si
is kashish me rachi basi
ik Masawwar ka kamaal si
ik tassawar ka gumaan si
ya fitrat ka nishan si
ik hasti aalishaan si
is hasti ka mahez ye qasas
ajab khalq thi, ashraf bani
har lehza hy ik soch nai
shaoor hy gar to arooj per
himmat rakhay to mnaazil kai
per qissa-e-abd mehdood buhat
hayaat mukhtasir khwaahishaat kai
shayed ye ab kuch yaad nahi
ke ibteda thi khaak ki
aur inteha bhi faqt khaak ki
………..kanwar asrar ahmad
